HNT-2026-001
Andries Steenkamp
Kalahari (vrede op n rooi duin)
Dis lekker om in die kalahari te boer met dorpers dis gesonde wereld vir skaap en jou siel Die kalahari moet jy met respek hanteer en nie oor bewy nie dan sal hy mooi na jou skaa…
NAMLAMBGEBORE UIT NAMIBIËNamLamb-geleentheid
Henties · 21 Oktober
Maak kennis met die produsente wat op 21 Oktober hul lam en hul plaas se storie Henties toe bring.
Ons deelnemende produsente
Die mense agter die lam.
Maak ’n profiel oop om die deelnemer se storie, herkoms, skaapras en goedgekeurde foto’s en video te sien.
HNT-2026-006
Eduard Spies
Ek is in 2001 gebore en het in Windhoek groot geword. Van kleins af was die plaas ’n groot deel van my lewe. My pa het ’n plaas gehad, en gedurende my skooljare het ons oor naweke…
HNT-2026-008
Hannes Agenbach
Geteel vir die Kalahari
Agenbach Dorpers – Gewortel in die Namibiese veld Op Plaas Vreda in die Aranos-distrik word daar reeds sedert 1995 met passie en toewyding geboer. Die plaas en die Namibiese vel…
HNT-2026-013
Koos Briedenhann
"Herlewing van die Omgewing: Bou aan veerkragtige uitnemendheid vir môre."
Koos Briedenhann bedryf die familieplaas, Buffelhoek, saam met sy familie naby Otjiwarongo in die sentraal-noordelike streek van Namibië. Diep gewortel in 'n familie-agtergrond van…
Wanneer
21 Oktober 2026
Woensdag · opstel vanaf 07:00 · beoordeling om 16:00.
Waar
Hentiesbaai Gholfklub
Die NamLamb-lambraaikompetisie vind by die Hentiesbaai Gholfklub plaas.
Saam met
Boere Visvangkompetisie
Een geleentheid waar NamLamb en die boeregemeenskap saam sigbaar is.
NamLamb-lambraaikompetisie 2026
Kom braai jou eie lam in Henties.
Nog net ’n paar plekke oop!Inskrywing is gratis en beperk tot die eerste 30 geldige inskrywings. Jy kan nou die aanlyn vorm hieronder gebruik; die papier-vorm bly beskikbaar as alternatief.
Hoe skryf ek in?
- Gebruik die aanlyn inskrywingsvorm hieronder, of laai die papier-vorm af en vul dit in.
- Verskaf die braaier en assistent se name, die lam se ras, plaasnaam en streek, selfoonnommer en e-posadres.
- NamLamb hersien die inskrywing en bevestig jou plek via WhatsApp of e-pos. Ná bevestiging kan jy jou storie, foto’s en video privaat oplaai.
Heg jou voltooide vorm aan jou e-pos. Inskrywings sluit op 30 September 2026.
Belangrik voor jy inskryf: Lees eers die kompetisie se reëls en voorwaardes.
Open reëls en voorwaardesDie dag se program
- Vanaf 07:00: stel jou spit op in jou toegewese braaiarea van 6 × 3 meter.
- Vanaf 08:00: deelnemers kan vir die kompetisie opdaag.
- 16:00: beoordeling begin. Jou lam moet dan gaar wees.
- Tydens die prysuitdelingsfunksie: die wenners word bekendgemaak.
Wat moet jy saambring?
- ’n Vars, verkoelde, heel geslagte lamkarkas. Pas basiese kombuishigiëne toe.
- Jou eie spit, hout, tang, mes, snyplank en graaf vir kole.
- Beskutting teen son, wind, stof en reën, asook sitplek en ’n tafel.
- ’n Emmer of skottel om hande en toerusting te was, en vullissakke.
- Dui jou naam en die lam se ras duidelik by jou stalletjie aan.
Krag en sentrale waterpunte sal voorsien word.
Reëls en voorwaardes
- Alle lammers moet op vuur gespit word. Geen gasbraaiers of rooktoestelle word toegelaat nie.
- Geen gate in die gras of vuur direk op die gras word toegelaat nie.
- Geen lam mag met smaakmiddels ingespuit word nie.
- Gebruik basiese kruie en speserye soos sout, peper, koljander, suurlemoensap en olyfolie.
- Geen soet souse soos BBQ- of Jimmy-sous, tamatiesous of mayonnaise mag oor die lam geverf word nie. Die lam se eie smaak staan sentraal.
Beoordeling en kwalifikasie
Onafhanklike beoordelaars beoordeel die lammers. Die eerste drie plekke kwalifiseer om in 2027 saam met die Namibiese NamLamb-span teen die Lamb Champs-span in Suid-Afrika deel te neem.
Kontak NamLambDeel die geleentheid